غنيمه وسليمان 2

عيد ميلاد سليمان ، فكرت غنيمه تسوى شى غير عن كل سنه

كل مره تعزمه بره على العشا ، هل مره قالت بسويله شى سبيشل بالبيت

قامت شقلت عيالها وودتهم عند امها يزورونها ليله

رتبت البيت ، وشرت ورد حطته بالصاله وجورى احمر بغرفه النوم ، تغيير جذرى للغرفه من كفر للسرير

وشرت شمعدانات وزعتهم بالصاله وغرفه النوم ، وشرت قميص نوم يحب الوانه عليها ، اتصلت عليه بالدوانيه

غنيمه : الو هله حبيبى شلونك

سليمان : هله ام عزوز

غنيمه : لا تتأخر اليوم رد امبجر ابييك عندى لك مفاجأه

سليمان : عسى ماشر فيكم شى ؟؟

غنيمه : ليش يعنى لازم يصير فينى شى عشان ترجع البيت !! ولهانه عليك ابيك ترجع

سليمان : يرتبك ويتنحنح خوش خوش يالله فمان الله

رجع سليمان البيت ،، دخل ، غنيمه مسكره كل الليتات وشابه الشموع

سليمان : فتح كل الليتات ، غنيمه يا غنيمه وينج ،، شهالقمته ليش مسكره الليتات ، تبين تحرقينه شهالشموع وشهاللويه

غنيمه من الدار : تعال ا لدار حبيبى انا بالدار

سليمان : يحوس بالبيت يدور عياله ،، الا بقولج وين اليهال

غنيمه : وه اى تعال الدار واقولك

سليمان : شسالفه الدار ، وين بطس اكيد بيى الدار

دخل سليمان الدار وغنيمه قاعده على اضواء الشموع ،، دش فتح الليتات ،، ليش قاعده بالظلمه مينونه انتى !!!!!!!!!!!
غنيمه تنصععععععععق !! قاعدا على القنفه تنطره يعلق

غنيمه تقرب منه قبل لا تنعفس المفاجأه وتتكدر اكثر ، تبوسه وتقوله كل عام و انت بخير، اليوم عيد ميلادك

سليمان يطالعها ،، يه يه يه كاااشخااا غنمووو شحلاتج صايره

تنطر يعلق على السرير والورد ما لاحظ ومو شى يديد على سليمان
زين لا حظها....

سليمان : وين اليهاااال ما قلتيلى

غنيمه : واااى شفيك تلبح على اليهااال ، حبيت هالليله تكون لنا بروحنا

سليمان : ليش ، شفيها هالليله غير بالله ،، تدرين انى ما اعرف اكون بعيد عنهم


غنيمه : سليمان الساعه وحده بالليل شتبى فيهم ،، اليوم عيد ميلادك وحبيته يكون غير

سليمان :: انا كل يوم معاج غير غنمو بس مره ثانيه اليهال ما ينامون بره البيت ،، وقوماى طلعاى الورد بره الدار يقولج مو زين انام ويمنه ورد

غنيمه ودها اتصرخ من قمت راسها

هلق فى امن يابتها ، وكل شى تحسفت عليه

ما سوت عليها عيد ميلاد سليمان ولا التغيير الى سوته