دانه وفارس ... 2

رجع من السفر ووصل دانه البيت على اساس بيمر امه عل وعسى ترضى عنه وتحظر زواجه

دخل على امه وله امه غضبانه عليه ، دخل داره خذه اوراق رسمية وبعض من اغراضه الضروريين

قبل راس امه وطلع ، اتصلت دانه قالتله لا تييب معاك عشا انا بطبخ لك من ايدى الاكله الى تحبها

ضحك فارس وقالها ترى ميت يوع لا اطولين بلشاى طباخ من الحين على ما امر اخلص شغلى واضبط

ترتيبات الزواج من بطايق ومعازيم


حجز فى افخم فندق ، ووزع البطايق على اعز معارفه واصدقائه وصديقاته اهوه ودانه كانت الحفله مختلط

اتفق مع الديجى على الاغانى الى يحبونها ودانه معاه على الخط بكل خطوه ،اخر مره اتصل قالت له تصرف من نفسك بجابل الاكل

بعد ساعه اتصلت دانه وقالت له ان الاكل بالسخان جاهز والطاوله والشموع وفضت الملابس من شنط السفر وصفتهم بالكبت

وجهزت له اللبس الى يحبه للعشى الرومانسى وانها شبت الشموع وداشه تاخذ شور على ما يوصل فارس


فارس سمع هالكلام بدا يسرع فى مشاويره ، وده يسكر عيونه يلقى نفسه عند دانه


وصل فارس السكن بعد ساعه من اخر مكالمه مع دانه ، ولا المطافى والاسعاف تحت السكن ، شك ان ممكن للمبنى المقابل

وبعد التدقيق اتضح ان المطافى للعمارة الى فيها شقته ، بدون وعى ركض بالسلالم الى الدور الى فيه الشقه

وينصدمممممم ان الشقه الى فيها الحريق هيه شقته ورجال المطافى كلهم داخل

الشقه تفحمت وجدو دانه بالحمام مخنوقه من اثر الحريق

ما اقدر اصور حال فارس ، فارس شاف دانه واغمى عليه ، صحى وهوه بالمستشفى وحيد

اول ما فتح عينه صرخ دانه ، قالوله انها توفت ! طلب يروح يشوفها ، ترحم عليها تماسك قد ما يقدر احتراما لجثمانها ودفنها من ثانى يوم الصبح


الموجع بالموضوع الحريق اكل اجمل ذكريات فارس ودانه لم يترك ولالالا شى للذكرى

فارس لا يملك الا الذكريات الى براسه وماضيه مع محبوبته


فارس شبه انتهت حياته خسر حبيبته وخسر امه وابوه وخسر اهله واحترام المجتمع ولا يداوم وانطرد من الشغل

وصل لى مرحله ان الماده اقصرت معاه بدا يتسلف من ربعه لما بداو يبعدون عنه حالته لا تسر عدو ولا حبيب


فارس عايش وحيد راس ماله ربعه القله الى نفس عقليته

خمس مرات يسوى حادث بالسيكل ويتكسر تكسر بس يرجع يعيش

لاهو عارف يحب ولا ينحب صار انسان وحشى ويكره البنات ، على الرغم من وسامته وتعرضه لمواقف كثيره من

البنات ومحاولات التودد والتقرب له

ما بيى اى بنت تاخذ مكان دانه

القصه واقعيه وصارت فى مجتمعنا

********

انا كتبت هالقصه من ثلاث سنين واهى قصه واقعيه

الى ابى اقوله الحين ان فارس ردت علاقته بأهله وتزوج وعنده ولد :)

دانه وفارس.....

من احلى اللحظات الى تمر على المغترب لحظه تخرجه وحصوله على الشهاده الجامعيه بعد عناء سنين وغربه
بس كانت جحيم على فارس لان لحظه حصوله على الشهاده هى لحظه فراقه عن حبيبته الى عشقها طول هالسنين
طول السنين وهوه يقنع دانه بالزواج بس كانت ترفض ، وتصبره ان يرجع بلده ويفاتح اهله بالموضوع كونها من جنسيه

عربيه غير مرغوب فيها فى بلدنه

رجع فارس وقلبه يتقطع علي فراقها ، وصل بفرحه الاهل وحفله بالبيت ويمعه كبيره ودموع الام والخوات فرحه رجوعه
دانه ما فارقت باله طول الوقت ...... فارس يفكر الليل والنهار شلون بيفاتح امه بزواجها
عائله فارس عايله كبيره ومعروفه وفارس الاكبر بين خوانه ، والد فارس شديد ومسيطر وصعب جدا
اول ما رجع مسك مكانه كبيره بشركات ابوه


فاتح فارس امه بالموضوع ، قالها ابى اتزوج ، الام هذى السااعه المباركه الى اشوفك معرس عندى فلانه وفلانه وفلانه و و و و
ابتسم فارس ، قالها لا يمه انا بريحج العروس موجوده بس تنطر الموافقه
ام فارس سمعت بلد البنت وتصافق ويها واسود وانقمتت ، وغورقت عينها ، جان تقوله انت مسحور
اكيد مسحوور ، اكيد ساحرتك البنت ، بدت خزعبلات الاهل اذا ما وافقو ولا عجبهم موضوع
الام قالتله ازوجك الى تسواها اترك هذى عنك شلنه فيهم اعوذ بالله ... عصب فارس قالها ما ابى احرجج يمه ، اذا ما

زوجتونى دانه انا ازوجها

بدا العناد ودخل الاب بالسالفه ، والابو اقشر ما يرحم ، قاله اسمعنى زين
اذا تزوجتها لا انت ولدى ولا اعرفك ولا اتورينى رقعه ويهك


فكر فارس ، حبيبته ولا اهله وفلوس ابوه ، حسبها المسكين !! اهله بيزعلون وما ردهم بيرضون عليه
اهوه ريال وشهادته عنده ، يشتغل ويفتح بيت له وحق دانه


اتصل عليها قالها بس اتخرجين اخذى تذكرتج وعلى اول طياره تعالى ، قالت له اشصار قالها كل شى اوكى

فارس شرى الشقه واثثها احسن اثاث ..... فارس يملك من اهله مبلغ يعيشه جم سنه بس قرر ان يدور على وضيفه
الايام تمر بسرعه ، تتخرج دانه ويستقبلها بحظنه ، ويوديها الشقه ويعيش معاها بدون لاحد يدرى من اهله


كثر مبيت فارس بره البيت واستخبروا ان يتردد على هالشقه ومعاه بنت

امسكه ابوه وقاله الكلام الى ينقال صج !! اذا صج لا اشوف رقعت ويهك انت بتفظحنا بين الناس شلون تعيش مع بنت بدون زواج اهنى فى دين فى عادات فى تقاليد لازم تحترمها منت ياهل انت

فارس ما همه ما رد ولا كلمه على ابوه ، عايش مع دانه كأنهم زوجين وحده مرتاح
الى يشوفه يقول هذا امريكى مو كويتى يطلع يروح ويرجع
اشتغل بشركه خاصه ومعاشه وايد ممتاز
سافر معاها وقرروا بس يرجعون بيتزوجون


خسر فارس كل اهله بسبة تمسكه بدانه

يتبع

سليمان وغنيمه 5

غنيمة وسليمان بالسوق

سليمان : باقى من الوقت ساعة الا ربع

غنيمه : سليمان ترى قاعد اتوترنى ، ما احب شغل العيله خلنى اركز بالاغراض الى احتاجها

سليمان : شتركزين كلها خلاجين

غنيمه : لا اتقول خلاجييين ما احب هالكلمه اتحسسنى جنى لابسه خيشه

دشت غنيمه المحل ، سليمان بره كالعاده

غنيمه تتصل على سليمان بالموبايل : واى سليمان وينك تعال باصرنى ابى ذوقك اناليش يايه معاك ، لو ادرى يايه بروحى

سليمان : يا بابا يالله خلصينى يبا كل شى حلو عليج وبعدين المحل كله حريم شدخلنى

غنيمه تعصب وتطلع من المحل مطنقره

سليمان : باقى من الزمن نصف ساعة

غنيمه : بس بس ابى ارجع البيت والله بس طاب خاطرى ردنى البيت ، هذى مذله مو طلعه

سليمان : الله يهديج غنموه وسعى صدرج يبه اضحك معاج افا عليج هههههه ، امرى شتبين يالله امشى دشى هالمحل انا معاج يالله

غنيمه موديل الزعلانه تمشى تتسحب ، تسحب ريلها ودش معاه المحل ، يقعد سليمان على اول كرسى وغنيمه تفتر بالمحل

غنيمه : سليمان شرايك فى هذا

سليمان : اف غاااااااااااااايه حدا عجيب يالله مشينا

غنيمه : سليمااان بقيسه

سليمان : يالله بس بسرعه ، سليمان يطلع الموبايل يلعب قيم على ما اتخلص

غنيمه تطلع من القياس تيى ركضه حق سليمان ، ها حبيبى شرايك

سليمان ما رفع راسه من على الموبايل حدا مشتط باللعب ،، وايد حلو ، ها نمشى

غنيمه منصدمه : سليمان انت ما رفعت راسك

سليمان يرقع : شفتج وانت يايه من بعيد ترى !! لا اتحاتين وايد حلو يالله يالله غنيمه ماكو وقت

غنيمه تروح عند الكاشير بتحاسبه ، ياها سليمان طاير قالها هذى هديه منى تستاهلين ام عزوز

غنيمه : استانست خذت الجيس وطلعت

سليمان : يالله غنيمه همى روحج ماكو وقت الجماعه ينطرونه

غنيمه : سليمان يعنى اطير كانى ، شمستعيله على على القثا

سليمان : غنيمه رجاءا ما راح افتح هالموضوع مره ثانيه ، هذا صديقى من عمر ولا ابى نقاش بالموضوع

غنيمه : انت رفيجك بس انا ما اتحمل ملاقت زوجته !! يا حبيبى ما ابلعها مو صاحيه

سليمان : ادرى والله اهى ادعيله بس انتحملها عشان السلم

غنيمه : ربى اشرح صدرى ، سليمان يعنى ليش ما ترضى اعزم صديقاتى واتعرف على رياييلهم ؟؟ ليش انا اتحمل قثا حريم ربعك !!

ليش حلال عليك وحرام على

سليمان : انتو حريم اتحبون الهذره وبسرعه تطبقون ، احنه رياييل يا غنيمه مو بسرعه نتوالف ، بعدين مى عدله تسحبنى مرتى معاها اتعرف على ريل صديقتها !! ما اعرفااا لو سامع فيه جان
بعدين بارك الله فيج من زين ربعج

غنيمه : اسليماان ما اسمحلك ، هذول ربعى ومناسبين احسن العوايل

سليمان بقلبه والله والكوبه : اى لا والنعم ما قلت شى بس ما ادانيهم

غنيمه : لو ما ان السلم حبيب وما ابى احرجك معاهم جان رديت البيت

سليمان : غنيمه تكلمى عدل ها

غنيمه : اتهددنى سليماان !! وين الديمقراطيه الى اتنادى فيها هاا

سليمان : نزلى بس فكينه الديمقراطيه انادى فيها بس انخلص العشا نزلى بس نزلى ، تقول ديمقراطيه ، انا سى السيد من اليوم وطالع

غنيمه وسليمان 4

سليمان : الوو هلا هلا بهالصوت ، هلا فى ام عزوز الغاليه ،، شالاخبار

غنيمه : اطالع السماعه ، مستنكره الى تسمعه وحاس قلبها ورا كل هالمقدمه الحلوة فى شى
هلا والله حبيبى ! عسى ماشر فيك شى

سليمان : شفينى يعنى ما يصير اتحلى على مرتى

غنيمه : لا تحلى تحلى بس اعرفك خبز ايدى ما اتحلى الا لشيين انت هههههههههه هات من الاخر قلبى شفيك؟؟

سليمان : لا تظلمينى افا بس :))) اى نسيت لا اقولج ، ترى عشا الدوانيه اليوم على انا

غنيمه : بقلبها اى هذى الصجيه اطلعت ،، سليماااان جم مره اقولك لا تقولى حزة الحزه شقبر انا الحييين
مالك الا المطعم

سليمان : غنيمه هذى دوانية شياب مو مال اكل مطاعم ،، فيج البركه ضبطى حالج بارك الله فيج

غنيمه : شضبط حاالى داقلى اخر الدوام الساعه الحين 3 العصر شسوى
وانت بعدين مو امس مقطع ظهر الطباخ من الطق
ملسبه تلسب ، لو انا منة اظرب عن الطباخ عندك

سليمان : يولى زين لا اتخلينى اى اذبحه لج الحيين

غنيمه : سليمان ! شهالحراره الى مو على سنع ، اشسوى الفقير عشان كل هالتبهذل

سليمان : مو عاجبه اقول غنيمه لا اتكثرين حجى يالله انا عندى شغل

غنيمه تفكر تفكر قالت ماكو الا اوزع المواعين على حبايبى يعينونى

غنيمه : الوو هلا يمه ، يمة والى يسلمج بييب لج ماعونين سوى الى يطلع معاج حق شياب
سويلى مرقوقه ويريشه

ام غنيمه : داقه هالحزه وينكم من امس

غنيمه : يمااا رحمى حالى لا ابجى الحين ، الحين بيوصلون لج المواعين

غنيمه : الوو هلا خالتى شلونج خالتى اليوم عشا سليمان بالدوانيه ، بدز لج ماعونين ابى مقالى قلي لى كبه وسنبوسه ورولات خضره وجبن

خالت غنيمه : هاو هالحزه اتحجيين وينكم من امس

غنيمه بتمووت ما تقدر تصرخ هذى ام ريلها تبتسم الابتسامه الصفره : شنسوى خالتى سامحينى نسيت والله ، ما تقدر اطب فى سليمان

غنيمه : الوو هاى سوسو شلونج ، اسويس والى يسلمج سويلى قرص عقيلى مال بتكم اينن سليمان عنده عشا وايييي بعد ابى بر الوالدين ومحلبيه

سوسو: هاو غنموه ليش ما قلتيلى من امس توج اتفرغين !ؤ

غنيمه : اسوييييييس رحمى حالى انا حايسه تخيلى توه الحين يقولى و لا يبى من المطعم وطاق كبيروه الطباخ امس طق سنه بساعة !!ؤ
شسوى ما اقدر اكلمه حرام كاسر خاطرى مطنقر وما ينلام

غنيمه : الوو المطبخ الكويتى ، اسمعنى بييب لك ماعونين ابى بريانى لحم ومجبوس دياى بس على 8 خالص وتوصه فيه

غنيمه بكل شجاعة ادش على كبير الطباخ

سلام كبير شلونك

كبير : ماما انا ابى تذكره بسافر انا ما يقعد اهنى

غنيمه بقلبها الله يلوم الى يلومك : يا كبير يا يمه والله انك كبير ابعينى وما عليه هذا بابا ريال كبير وعصبى
شوف كبير حتى انا يصرخ ويعصب على

كبير : ماما انت زوج مينون

غنيمه : اصص اوص وقص يالله عااد عيب هالكلام كبير عيب
تبى زياده انا عطيك زياده ماكو مشكله كبير لا تقول حق بابا ، بس اقعد انا ابيك ، انا شسوى اذا انت سافرت

كبير : ماما اخر كلام ابى اسافر

غنيمه : كبير انت بصير لك 10 سنه عندى تخلينى وتمشى مو حرام !!! ، انا شنو يقبر بعدك
كبير الله يخليك كبير قولى جم تبى معاش قول انا انا ازيدك ويهد

كبير : والله ما ما انت وايد زين ، هذا بابا كلش مو زين

غنيمه : خلاص كبير انا اكلم بابا انت ما عليك انا ازيدك بس مو تقول حق بابا ترا انا وانت برا البيت سمعت

كبير : مشكوره ما ما انا عشان انت يقعد

غنيمه : شوف اسمعنى بابا اليوم عنده عشا وانا ما قتلك سو شى بس سولى 3 انواع سلطه انزين كل شى 8 خالص انزين

دش اسليمان راد من الدوام

سليمان : هاا غنيمه ، عسى هالهيس سوا الاكل

غنيمه : اى اى سوا كل شى

سليمان : يا بعد عمرى انتى الله لا يخلينى منج
تزهبى انت واليهال باجر الغدا بره

غنيمه : يا الله ارزقنا وين بتغدينا

سليمان : فى ابراج الكويت !!!!!ؤ

غنيمه : ويييييييييييييييييييييييييين