سليمان بوالريش .... 1

سليمان بو الريش

يوميات خفيفه ظريفه بالاسبوع مره مرتين تجسد مواقف الزوج والزوجه فى هالزمن

اهى للضحك ولى فش الخلىء وما نقصد من وراها الاسائه لا للرجل ولا المرأه

***********

غنيمة يوم اليمعه زوارت اهلها والعاده بعد الزواره تطلع مع ريلها بالليل

غنيمه تتصل على سليمان ، ما يرد كالعااده ، رنه رنتين ثلاث رنات


سليمان : الوووووو شفيييج يرد بصراخ مدوده ولاهو صوبها

غنيمه : هاو سليمان ليش ما ترد وينك

سليمان : فيكم شى انا بالقهوه ، العب كووت

غنيمه : كوت الساعه 5 المغرب ينيتاو !!!!

سليمان : عندج شى ؟؟؟ معصب

غنيمه : اى لا تنسى اليوم ! اليوم طلعتى معاك وين تبى نروح ؟

سليمان : كيفج قررى وكلمينى يالله باى

غنيمه : الو الو لحظه ، تحاول تتميع ،، قولى حبيبى انت وين مشتهى نروح اليوم انا ابى المكان الى يونسك على مشتهاتك

سليمان : عادى عادى .... يصرخ على الربع لالالالالالالالا يبااااااا لالالا مو جذىىىى

غنيمه : هاو سليمان من احاجى حبيبى !!!!

سليمان : قتلج العب كووت ،، رتبى انت كل شى وانا مو فارقه معاى يالله باى

غنيمه مدقوره يا عينى عينها ، بسكات فتحت النت وشافت الافلام اليديده
الحين بتعرف الوقت شتسوى ،، اتصلت على سليمان وهى مرتبكه ، يرن يرن يرن

سليمان : الووووو

غنيمه : ميته خوف ، اقول سليمان حبيبى بس بسأل اى وقت يناسبك اذا سمحت

سليمان : صارلى عشر سنين ماخذج لى الحين ما تدرين الوقت الى يناسبنى !!!

غنيمه : اى يمكن تبى تسهر ، تبى عرض متأخر

سليمان : عرض 7 زين

غنيمه : ليش 7 !!! ودى احس انى مزوجه كله ادخلنى مع التين ايج ،،، وارد البيت امبجر مع اليهال

سليمان : ودام ودج ليش داقه اتشاورين

غنيمه مدقوره ايضا ،، تسكر التلفون وترجع البيت وبا 8 تكون جاهزه تنطره ، و بدشون عرض 9 عشان غنيمه ودها تسهر
وتتلبس وتنطر الفقيره
يدخل بو الريش
ها زاهبه

غنيمه : اى زاهبه يالله ترى ماكو وقت اخاف تحوشنا الزحمه

سليمان : يالله بس ابدل هدومى

غنيمه : ممكن البسك على ذوقى

سليمان : لا طبعا

غنيمه : عشان خاطرى البس التريننق الارمانى احبه عليك :))

سليمان : يضحك ، ليش لازم البس الى انت تشترينه لى

غنيمه : مو مسأله انا شاريته ،، مسأله احبه عليك

سليمان : ولا يهمج بلبسه عشانج

غنيمه الله يعز شانج .... تنطر يعلق على شكلها تنطر ما لاحظ انها لابسه النفنوف الى يحبه

اقول سليمان ،، مو ملاحظ شى

سليمان : غنمووو شوفى الساعه جم يالله يالله تاخرنا

الدقره العالميه !!!!!!!

راحو عرض الساعه تسع ، بدا الفلم يندمجون سليمان يقرب يمها بالكرسى
غنيمه تستاانس
حط راسه على جتفها
استانست اكثر
فجأه الا صووت شخيير
الا سليمان نايم على زندها !!!!!


تا تا تااااااا